Hobennan Hulandes positivo tocante sexo y diversidad sexual, usando menos anticonceptivo

(NLTimes) – Hobennan na Hulanda ta feliz tocante nan bida sexual y ta birando mas positivo tocante diversidad sexual, manera Rutgers y Soa Aids Nederland a descubri den nan estudio “Sex under 25”. E malo di esaki ta, cu e uso di anticonceptivo ta cayendo, muhenan tin menos chens pa experencia placer sexual, y mas hoben ta enfrenta contact sexual indesea.

Hobennan entre 13 y 25 aña ta marca nan bida sexual un averahe di 7 for di 10. Aproximadamente 80% di hoben ta disfruta di sexo demasiado, y rond di 90% a disfruta nan ultimo encuentro sexual. Aceptacion di diversidad sexual ta aumentando. Na 2012, 52% di homber y 26% di muhe no tabata acepta dos homber sunchiendo riba caya. Aña pasa, esaki a reduci pa 25% di homber y 9% di muhe.

Hobennan Hulandes ta cuminsa tene relacion sexual mas despues den bida. Mita di hobennan cu a experencia nan prome encuentro vaginal tabata na un edad averahe di 18.7 aña, compara cu 18 aña na 2017 y 17 aña na 2012. Prome, masturbacion ta sosode rond di 14.5 aña, mescos cu den añanan anterior.

Hobennan ta usando menos anticonceptivo tambe, aunke e uso ainda ta halto, para na 80% aproximadamente. Uso di pildo a reduci for di 76% na 2012 pa 46% na 2013, aunke mas muhe ta usa un spiraal (6% na 2012 y 21% na 2023). Uso di condon tambe ta reduciendo—na 2017, casi tres kwart a uso un condon durante nan prome relacion sexual vaginal. Esey a cay pa dos tercer aña pasa.

“E cantidad di hobennan cu a indica cu nan a experencia malaconducta sexual a aumenta,” e investigadonan a bisa. aña pasa, 4% di homber y 20% di muhe a bisa cu nan a ser forsa pa haci actonan sexual cu nan no tabata kier, compara cu 2% y 12% na 2017. Mas cu mita muhe, 54%, a enfrenta violacion sexual fisico for di mishimento indesea pa abuso sexual. Mescos ta berdad pa 23% di homber. Na 2017, esey tabata 48% y 18%, respectivamente.

Na mesun momento, 94% di hobennan a bisa cu nan semper ta sigura pa nan pareha tambe kier tene relacion sexual. Esey ta indica cu hobennan no semper ta ripara consentimento corecto. E investigacionnan ta bisa cu ta preocupante cu muhenan ta experencia menos placer sexual compara cu homber. Solamente 28% di muhe ta describi nan prome experencia cu sexo vaginal como “bon,” compara cu 64% di homber. Esey por ta debi na e dolor durante e prome encuentro sexual—75% di muhe ta reporta dolor e prome biaha. Pero den experencianan sexual mas despues, muhenan (75%) tin menos chens di disfruta di sexo compara cu homber (85%). E porcentahe aki di homber usualmente of semper ta alcansa orgasmo, compara cu 49% di muhe.

Pa e estudio, Rutgers y Soa Aids Nederland, en colaboracion cu e RIVM, Statistisch Nederland y GGD, a cuestiona mas di 10,000 hoben entre 13 y 25 aña tocante nan bida sexual. “E resultadonan ta representativo di e poblacion di hobennan Hulandes,” e investigadonan a bisa.