Diahuebs marduga a tuma luga un explosion na un apartamento situa na Papilon net na momento cu un persona tabata den e luga. Air Ambulance a transporta e victima pa Colombia.
Gritonan y e desordo a pone cu habitantenan a lanta y yama polis. Na yega di polis nan ta topa cu un homber cu kemaduranan serio na su curpa y ya su cuero a cuminsa cay.
Ambulance cu a presenta na e sitio a atende cu e homber cu tabata tin kemaduranan serio na curpa y a transporte pa hospital. Bomberonan a yega y drenta accion.
Tabata tin candela den e cas unda un bom di gas lo a rementa causa e sucedido aki. E homber tabata tin kemaduranan di segundo pa tercer grado.
Polis a notifica e departamento forensico pa presenta y recherche a start cu un investigacion.
Durante oranan di merdia Air Ambulance a yega Aruba y bay cu e victima pa Colombia pa asina e por ricibi atencion medico avansa.
