Un hende homber cu barba blanco a horta un banco dos dia prome cu Pasco. Despues el a tira e placa na laira y a desea hende cu tabata pasa band’i dje un ‘bon Pasco’, segun testigo.
Polis a bisa cu ‘un homber blanco di edad’ a horta un Academy Bank na Colorado Springs dialuna merdia. “El a horta e banco, el a sali y tira e placa tur caminda. For di e saco el a tira su placa”, testigo Dion Pascale a bisa Colorado’s 11 news. “El a cuminsa tira e placa for di e saco y despues el a bisa ‘Bon Pasco!’.”
Testigo ta bisa cu e persona a cana cerca di un Starbucks coffee shop. El a sinta y warda pa polis bin pa asina hib’e prizon. Den un gesto particularmente festivo, peatonnan riba caya ta reporta di a gara tur e placa for di caya y hib’e bek den banco.
Polis di Colorado Springs a nombra e sospechoso como David Wayne Oliver di 65 aña di edad. No ta kere cu e tabatin ningun ayudante.
