Diasabra anochi doño di un Mitsubishi L200 Preto numera A-65060 a notifica polis cu e la presta un hende e auto pero e hende no kier trese e auto bek pe. Central a notifica tur e patruyanan riba caya pa si nan topa cu e auto ki pa nan pare pa atende cu e chauffeur. Mas lat den marduga a drenta un informe cu e auto lo ta banda di Soutbeach. Mesora a dirigi un patruya pa e sitio. Na caminda pa e sitio e auto lo a sali y bay direccion lusnan di trafico Noord pero e auto ta para den e parking lot di Lekker. Aki e patruya ta jega mesora y ta atende cu e chauffeur. E chauffeur no a gusta masha cu polis nan a pare y tawata te hasta fresco cu e agentenan. Polis a kita e auto y hiba e auto warda di Shaba pa e doño busca su auto.
