Dialuna ultimo a sucede un caso lamentable na Calabas, unda a haya un señora sin bida, y su yiu homber tabatin mester di ambulance pa ricibi tratamento medico. Sinembargo, despues di un investigacion, e yiu homber a keda aresta.
Dialuna dia 25 di mei 2026 pa mas o menos 7:53 di mainta, Central di Polis a ser notifica di un caso na Calabas na unda a haya un señora di edad cu no ta duna señal di bida.
A despacha patruya di polis como tambe ambulance na e sitio.
Na yegada di polis, ta bin topa cu e yiu homber kende na su turno ta informa polis cu su mama no ta duna señal di bida.
Ambulance ta presenta na e sitio y a haci nan maximo esfuerso, pero no por haci nada mas pa e señora.
Dr. Texier a presenta y ta constata morto di e señora C.R. Piñero di 73 aña naci na Venezuela.
Recherche, polis tecnico (BFTO)y dokter forensico a presenta pa haci e investigacion pa descarta si lo ta trata di un hecho castigabel.
Despues di un rato a pidi ambulance back na e sitio pa e yiu homber y e la keda transporta cu ambulance pa haya tratamento medico.
Recherchenan di Noord hunto cu polis tecnico y dokter forensico a sigui cu e investigacion, na unda a resulta cu lo tin indicacion cu e morto di e señora Piñero no ta natural.
Mirando e caso serio aki, Recherche a detene e yiu homber E.E.B.P. naci na Venezuela di 44 aña, relaciona cu e caso en cuestion.
Cuerpo Policial Aruba y Bon Dia Aruba ta manda palabra di condolencia na famia di e fayecido.
