Polis a aresta un homber di 25 aña di edad di Eindhoven pa e supuesto violacion di dos hende muhe na Eindhoven y Valkenswaard, esaki ta segun emisora local Omroep Brabant. Un muhe di 23 aña a raporta cu el a ser viola diaranson pa un homber cu a ofrece pa hib’e su hotel riba su scooter.
Despues el a bay na un parke na unda el a viol’e. E diadomingo siguiente un homber a obliga un mucha muhe di 15 aña di edad pa subi e scooter na Valkenswaard na unda el a hib’e na un zona di mondi ya viol’e.
E mesun dia un muhe di Eindhoven a bin dilanti a bisa cu un homber riba un scooter a acerca su persona y a sigui, pero el a logra scapa. E descripcion cu el a duna di e homber a match e descripcion di e otro muhenan y polis por a detene e homber diadomingo durante oranan di anochi.
Polis a bisa cu nan no kier a publica e violacionnan na e momentonan ey. “Nos tin dos duda al respecto, pero a dicidi pa no haci nada pa motibo nos tabata tin hopi tips y nos no tabata kier core e riesgo cu e sospechoso purba deshaci di e materialnan incrimina”, e vocero a bisa emisora.
