(AFP) – Un homber na Reino Uni a declara diamars cu e ta culpable di 32 crimen cometi contra su pareha mientras e tabata droga of drumi durante un periodo di mas di 1 decada.

Den e caso mas reciente na Reino Uni y otro caminda, similar na e huicio reciente na Francia di Dominique Pelicot, ken a droga y abusa sexualmente di su casa e tempo ey Gisele pa casi un decada conhuntamente cu desconocidonan.

No por nombra e homber, ken ta den su 40 añanan, pa proteha e identidad di su pareha ken tin anonimidad pa henter su bida como victima di crimen sexual.

Hues na Northampton, Inglatera central, a bis’e cu e ta enfrenta un posible cadena perpetuo.

E ta enfrenta cargonan di violacion, agresion sexual y agresion via penetracion contra su pareha ora cu e tabata aparentemente droga of drumi y a graba algun di su crimennan.

10 di e crimen, entre januari 2014 y september 2025, tabata cometi “hunto cu un persona desconoci,” a bisa na corte.

E cantidad di persona involucra no a keda revela na e audiencia.

E homber su ekipo di defensa a argumenta contra e acusacion cu e victima tabata droga durante tur suceso di e crimen. “Fiscal ta mantene cu a comete tur e ofensanan aki mientras e victima tabata droga y inconsciente,” fiscal Alexandra Felix a bisa.

Hues David Herbert a bisa e acusado, ken lo ricibi su sentencia dia 18 di september, cu un “sentencia di prison substancial ta inevitable.”

Hues tambe a bisa cu e lo “considera si un sentencia di cadena perpetuo ta apropia.”

Andrew Hopkinson, for di Crown Prosecution Serivce cu ta encarga di procesonan criminal na Inglatera y Wales, a yama esaki un “campaña sosteni di abuso.”

Varios investigacion tocante e drogamento y violacion di partner di termino largo, conoci como DFSA (Drug-facilitated Sexual Abuse), ta na caminda na Reino Uni.

Na Stockport, e casa di un muhe cu aparentemente tabata droga y agredi sexualmente mester para huicio na september banda di 12 hende homber acusa di forma parti di e abuso sexual.

Na Januari, un homber Britanico a declara su mes culpable na droga y viola su ex casa durante un periodo di 13 aña, cu 5 otro homber tambe acusa di crimennan sexual contra e muhe.

4 di 5 di nan a declara nan mes inocente na un audiencia cu lo tuma luga na Inglatera.

E victima den e caso, Joanne Young, a renuncia na su derecho di anonimidad, un decision similar na Gisele Pelicot su decision historico.