E securitynan di Gusto tabata atento e marduga di diasabra unda ta controla tur cliente cu drenta e night club. Aki un homber a intenta di drenta cu e arma di candela den e club y lo a menasa un hende cu e arma. E securitynan cu a mira esaki a bula riba e persona y logra kita e arma for di dje. A boei e homber bay cune patras y raporta na polis di biaha. Patruyanan policial a presenta cu urgencia na e sitio y a detene e homber y a tuma e arma di candela over y pasa esaki pa departamento forensico y recherche pa sigui cu e caso.
