(NLTimes)—Un homber di 57 aña di edad for di Hulanda a biba cu un curason dona desde juni 1984. Esaki ta e tempo mas largo cu un persona a keda bibo despues di un transplante di curason. E Guiness Book of World Records a reconoce e record nobo aki.
Bert Janssen a haya sa cu 17 aña di edad cu e tabata sufriendo for di miocardiopatia, un malesa di e musculo cardiaco cu ta haci’e dificil pa e curason pomp sanger na e resto di curpa. E tabata eligibel pa un transplante di curason na Londres, como cu e tempo ey no tabata posibel ainda pa conduci e procedura na Hulanda. Esaki tabata e di 107 transplante di curason pa e hospital na Londres. E prome operacion pa reemplasa un curason na Hulanda a sosode e mesun aña ey na Rotterdam.
Un siman despues di yega Londres, un accident di auto a tuma luga, cual a resulta cu dos donante di curason a perde nan bisa, Janssen a conta media Britanico ayera. E homber Hulandes a haya un di e curasonnan ey. El a bisa cu “e ta gradicido ainda pa e regalo increibel aki.” Awo e ta casa y ta un tata di dos yiu homber.
Segun e Nederlandse Transplantatie Stichting, 74 transplante di curason a ser conduci na Hulanda aña pasa. Aproximadamente 149 hende tabata wardando pa un curason nobo na fin di aña pasa. E lista di espera a ser corta.
Esaki ta parcialmente pasobra hende a ricibi un curason nobo y no mester warda mas, pero parcialmente tambe pasobra hende a muri mientras cu nan tabata wardando of pasobra nan condicion a bira demasiado malo cu nan no tabata considera eligibel mas pa un transplante.
