Dialuna pasa di 3 or atardi habitantenan a haya holor desagradabel ta sali for di un cas na Nieuweweg na San Nicolas y a raporta na Polis. Parce nan tabatin algun dia di no a wak e persona mas y ora patruya a presenta na e cas a bin topa cu un hende hmober no ta duna señal di bida den e camber di e apartament. Esaki a haci cu a notifica recherche y fiscal pa ta presente pa start un investigacion na e sitio hunto cu departamento forensico. Brandweer tambe tabata presente na prome instante pa kibra e porta drenta paden. Slachtofferhulp di Cuerpo Policial tambe a presenta na e sitio. Dokter Wever pa 4:30 atardi a constata morto di G.A.A naci na Aruba na 1965 di 51 aña. Causa di e morto tabata natural, no a haya nada cu por ta specula na crimen den e cas. Paz na su restonan.
