(NLTimes) – Un homber na Tilburg ta sospechoso di a laba mas di 7 miyon euro. El a haci esaki durante un periodo di 18 luna, segun cuerpo policial. E homber di 31 aña a ser aresta anteriormente e siman aki, segun polis a reporta diasabra. Ademas, a confisca 9 auto y varios holoshi caro.
E sospechoso tabata involucra den laba monedanan digital pa e mundo criminal, polis a alega basa riba nan investigacion. Riba diamars, cuerpo policial a revisa e sospechoso su cas, compania di auto y variso garashi na Tilburg.
Den un di e garashinan tabatin un auto unda cu a haya decenas di kilogram di Hash cu un balor di mas di 600,000 euro riba caya. Te ainda no a keda cla ken ta e doño di e autonan aki, sinembargo nan a keda confisca di tur manera mientras ta continua cu e investigacion.
Cuerpo policial tambe a confisca data digital di e homber en cuestion. E companianan cu a provee servicio digital na e sospechoso tambe lo ser examina pa asina determina si e sospechoso por ser conecta na mas placa cu a ser laba.
