Segun vocero suplente di Cuerpo Policial Liliana Rasmijn ta informa, awe diadomingo madruga pa mas o menos 1 or ,patruya di Playa pasando den Edisonstraat ta wak 3 hende homber sinta pafo di un cas. Ora na a wak polis 1 di e hombernan a lanta cu un tas den su man y bai tir’e paden den e cas. Patruya a baha ne cas y a haya permiso di e donjo di cas pa drenta paden y wak si ta topa cu e tas cu e homber a sconde.
Ta bin haya e tas y den dje ta haya un arma di candela. Patruya a bay over na detene e sospechoso D.P. di nacionalidad dominicano y hib’e warda di polis di biaha.
E arma di candela a wordo confisca.
