Diasabra durante oranan di mainta despues di u n fiesta Antiano cu a tuma luga na Rotterdam, a surgi un discusion cu a caba cu un homber Antiano di 23 aña di edad seriamente hinca.
Autoridadnan a informa cu nan a detene dos persona for di den Haag y Rotterdam di 21 y 18 aña di edad cu lo ta envolvi den e caso aki. Camaranan di polis a tuma nota di e bringamento formal cu a tuma luga den centro di ciudad di a Rotterdam. Dos polis a interveni pero uno a ricibi golpinan na cu cabes, cara y caminda mester a pidi asistencia. Un portier y mas polis cu a yega na e sitio a yuda detene e dos sospechosonan aki.
Despues di e hincamento e victima a cana bay e parada di taxi Coolsingel. E victima a ser haya na e parada di taxi. Ta sospecha cu el a ser hinca durante di e pela y a cana te cu Coolsingel y a keda inconsciente. Polisnan ainda ta investigando e circunstancianan di e incidente aki. Ainda no ta cla kico a pasa na e plaza na Rotterdam
