Autoridadnan ta bisa cu polis a drenta den camber di un motel na Texas caminda un homber sospecha di a secuestra un mucha muhe di 8 aña tabata, pero nan no a wak e mucha. Mas laat a conoce cu e mucha a ser haya sano y salbo despues di dos ora y na e mesun camber di hotel.
Michael Webb tin cargo di secuestro, despues cu autoridad a bisa cu un mucha a wordo secuestra ora e tabata cana cu su mama anochi na e caya di Forth Worth. E mucha a wordo haya marduga na e motel cerca di Forest Hill.
Segun informe di Star-Telegram di Forest Hill, a interoga e homber despues cu un trahado di e motel a yama polis, pero ora cu nan a bay, no a wak e mucha. E agentenan a bolbe banda di 2or di madruga despues di a haya mas informacion, y nan a haya e mucha muhe paden di e camber.
Hefe di polis na Forest Hill, Dan Dennis, ta bisa cu e departamento ta investigando e maneho di e oficial cu a bay e prome biaha, ora a haya e yamada anterior.
