(NLTimes) – Corte na Amsterdam a sentencia Ricardo van Z. na 9 luan den prison, cu 6 di nan condicionalmente suspendi, pa e abuso sexual di un pony Shetland.
Van Z. tambe a keda declara culpable di posesion di videonan di abuso sexual di mucha y crea videonan di bestialidad, corte a declara. A absolve e homber di De Kwakel, di 38 aña, di agredi su pony y su cacho. E decision aki ta nifica cu Van Z, cu e tribunal cabando su detencion prome cu huicio dia 24 di juli.
E sospechoso a admiti den corte 2 siman atras cu el a abusa di e bestia 8 biaha. Tambe el a graba su mes ta haci esaki. Ministerio Publico (OM) a recomenda un sentencia di 15 luna, cu 8 luna di e sentencia condicionalmente anula. OM tambe kier a impone un prohibicion di 2 aña riba tin bestia y pa e homber ricibi tratamento.
E castigo ta mas abao di loke e fiscal a recomenda pa motibo cu corte a sinti cu no a comproba tur e acusacionnan. E hues no a impone un prohibicion pa motibo cu e no a haya cu a comproba abuso di bestia. Por ehempel, no a demostra cu e pony tabatin dolor of a haya herida como resultado di keda mara pa Van Z.
Sinembargo, ta rekeri pa e acusado ricibi tratamento, reporta regularmente y ta suheta na un prohibicion di ta na un sitio. E corte a haya innecesario pa implementa esaki cu un monitor na su enkel, mirando cu ya caba a impone un sentencia suspendi “substancial.”
E incidentenan aki a tuma luga den september y october di aña pasa y april di e aña aki na Amsteldijk Zuid na Amstelveen. E pony yama Ona tabata algun luna na estado ora cu e abuso a tuma luga. “Contacto sexual entre ser humano y bestia ta contrario na decencia publico,” e hues a declara. “Y esaki ta causa inkietud publico.”
Van Z. ta sufri di un desorden di personalidad y tin problema cu uso di cannabis. Tambe el a keda diagnostica cu zoofilia, un condicion den cual un persona ta sexualmente atrai na bestia. Como resultado, un experto a determina cu su responsabilidad criminal ta menos.
