Aruba- Un homber a dal un turista di Corsou, aparentemente sin motibo, dilanti e supermercado Hua Run na Ponton. Ora polis a yega un grupo di mas o menos 20 hende tabata para eynan y dos tabata want e agresor abou. E ta trata di sospechoso JDGG cu segun testigo tabata core tras e victima RH di Corsou cu un palo grandi den su man. El a cuminsa dal e victima y tambe su auto. H. a scapa, drentando un tienda di hardware unda el a pidi ayudo. Polis a detene e agresor cu aparentemente tabata bou di influencia di droga.
