(AP) — Hong Kong ta bay cuminsa habri back su frontera cu China continental diadomingo awo y permiti decenas di miles di persona crusa di cada banda tur dia sin cuarentena, lider di e ciudad, John Lee a bisa.
Control di frontera maritimo y terestre cu e continente ta en gran parti cera pa casi tres aña bao strategia “cero-Covid” di China, cual a restringi entrada na e pais, isola hende infecta y lockdown areanan cu brote. E reapertura ta spera di duna un boost hopi necesario na economia di Hong Kong.
E anuncio ta yega mientras China ta eliminando algun di e controlnan anti-virus mas pisa na mundo. For di mañan, China tambe ta bay aumenta gradualmente e cantidad di vuelo entre Hong Kong y continente y elimina e cantidad di pasahero pa vuelonan for di e ciudad, gobierno Chino a bisa den un declaracion.
Durante e prome fase di reapertura, cuatro control di frontera cu tabata cera pa casi tres aña ta bay reanuda operacion, aumentando e total di punto di control na e pais na siete. Actualmente, solamente tres punto di control ta cera.
Gobierno di Hong Kong ta bay dicidi na ki momento ta aumenta e scala di reapertura di frontera despues di revisa e situacion cu autoridadnan di e continente, Lee a agrega.
