Hopi hende a sostene Feria Gastronomico Multicultural na Dakota

feria gastronomico misa dakota Br (1).JPG

– Ayera a tuma luga e Feria Gastronomico Multicultural dilanti di Misa Birgen di Fatima na Dakota.

Sra. Olga Marin kende ta miembro di e comision cu a organisa e feria aki a declara na Bon Dia Aruba cu e feria a resulta un exito. El a gradici pueblo di Aruba en general y muy specialmente e parokianonan di Dakota cu a sostene e feria aki.

“Prome cos mi kier duna danki na Dios cu a scucha nos oracion pasobra tabatin menasa di yobida, pero Señor su tempo ta perfecto!”, el a bisa. E feria aki a cuminsa 9’or di mainta y a termina pa 2’or atardi. E tabata un mainta bunita yen di luz y splendor.

Sra. Marin a bisa cu e trabou cu nan a realisa pa medio di e feria aki ta pa recauda fondo pa renoba e misa aki. Te aworaki nan a yega di recauda e suma total di 1 miyon 73mil florin producto di diferente actividad cu nan ta bin realisando durante mas cu dos aña. Pero ainda falta 227 mil florin pa cuminsa cu e trabou grandi di renobacion di e misa aki. Nan ta kere cu durante e prome semester di 2017 nan lo cuminsa cu e trabou aki.

Ayera 7 pais a participa den e feria gastronomico: Aruba, Colombia, Venezuela, Ecuador, Republica Dominicana, Surinam y Peru. Nan a ofrece un variedad di cuminda tipico representativo di nan pais. No solamente cuminda sino cu nan a prepara bebidanan tipico tambe. Nan tabatin productonan entre 1 florin te cu 10 florin.

Tabatin paisnan cu prome cu 2’or atardi nan a bende tur nan cumindanan. E aña pasa a pasa mesun cos. Sra. Marin a laga sa cu no ta cuestion cu nan a traha tiki cuminda sino cu e hendenan a bin sostene masivamente e feria aki.

You May Also Like

Humamento na Aruba den porcentahe ta menos compara cu otro paisnan

Pronto Aruba lo conoce un ley nobo cu lo prohibi humamento den luga publico por ...

Alrededor di 80 musico di henter mundo na Aruba Symphony Festival & Academy 2018

Awe nochi cu un concierto magistral ta tuma luga, den cuadro di apertura di ...

hqdefault.jpg

Hopi rumor tocante morto di Sr. Richard Fingal

Den cuadro cu e morto di Director di Serlimar, Sr. Richard Fingal, ultimamente tin ...

20160613_100746.jpg

Motociclista ta muri al instante den accidente na Jaburibari

Dialuna mainta den careda di 10’or tanto polis y ambulance ta bay cu urgencia ...

Hues comisario no a ordena libertad di Venezolanonan

ORANJESTAD – Den diverso medio di comunicacion durante e ultimo dianan a keda reporta ...

Ainda ningun reaccion for di gobierno riba detencion di Paul Croes

Diamars merdia Bon Dia hunto cu otro medionan a bolbe purba di haya un ...