Sin ta sigur unda horcan Dorian lo yega, residente di Florida ta observa e pronostico cada bes mas peligroso cu sensacion di impotencia y nan ta prepara pa loke por bira e tormenta di mas poderoso despues di 30 aña.
Centro Nacional di Horcan a bisa cu ta spera un tormenta categoria 2 y pa bira subi pa 4 cu biento fuerte di casi 140mph y lo dal Merca riba diamars, mas duro y un dia mas laat di loke a wak.
E trayectoria di centro di hotcan a mustra cu tormenta ta bay azota e condado di Palm Beach, na Mar-a-Lago, pero den mapa a cubri henter costa di 800 km di Florida, Miami, Fort Lauderdale y Orlando manera zona di peliger. Sinembargo no a ordena evacuacion inmediato.
Diabierna mainta, Dorian tabata na un 410 km nort di Bahamas. E horcan su biento a aumenta pa 110 mph. Pronostico ta bisa cu ta spera cu e ta sigui bira fuerte y bira categoria 3 pa final di dia.
Jeff Byard, Administrado Social di e Agencia Federal di Maneho di Emergencia (FEMA), a duna advertencia cu e probable cu Dorian lo haci daño cu energia, infrastrucutura y caminda pero cu nan ta prepara pa atende cu esey.
“E ta un tormenta grandi, pero nos ta prepara pa un gran respuesta”, Byard a bisa. Gobernador di Florida, Ron DeSantis, a declara Estado di Emergencia, pa trece mas combustible y pa yama Guardia Nacional, si ta necesario. Gobernador di Georgia a haci mescos.
Royal Caribbean, Carnival y Norwegian linea di crucero a cuminsa cambia ruta di nan crucero. E principal aerolinea a cuminsa laga e pasahero cambia nan reservacion sin ningun pago adicional.
