Tormenta cu a pasa na Virgin Islands, Bahamas y Nort Carolina a bay cu biento extremo na Canada, lagando miles di persona sin electricidad.
Dorian a yega e ciudad di Halifax atardi, unda el a ranca dak di edificio di apartamento, laga un truck di construccion cay y destrosa palo di mata. No a raporta ningun morto na Canada.
Centro Nacional di Horcan di Merca a bisa cu e horcan ta ubica 65km di Chevery, Quebec. E rumbo lo trece tormenta cerca di Newfoundland of Labrador durante atardi, y na Nort Atlantico pa anochi.
Gobierno a bisa cu 700 miembro di personal militar di Canada a bay na area maritimo pa yuda restaura electricidad, pa drecha caminda y evacua residente na algun area cu ta bou di awa.
Director Ehecutivo di Nova Scotia Power Inc., Karen Hutt, a bisa cu tin mas di 400.000 cliente di e compania sin electricidad y 50.000 ta restaura. Pero el a bisa cu algun por permanece sin servicio durante dia.
Ora cu tormenta a dal Isla Prince Edward, cerca di 50.000 cas y negoshi a keda sin electricidad, mescos 74.000 na New Brunswick. E devastacion mas grandi causa pa e tormenta tabata na Bahamas, unda cu e tabata horcan di categoria 5 cu biento fuerte y a mantene cerca di costa durante un dia y mey, destruyendo miles di cas.
