(AP) – Mientras Horcan Erin a dal e islanan barera di North Carolina cu biento fuerte y ola siman pasa, a destrui un cantidad di neishi di turtuga di lama den peliger di extincion, derando e webonan profundamente den santo of lastrando nan den lama.
Riba Topsail Island, mas cu mita di e 43 neishi di turtuga loggerhead a bay perdi den e tormenta, segun Terry Meyer, director di conservacion pa Karen Beasley Sea Turtle Rescue and Rehabilitation Center.
“Mi no a anticipa cu e awa lo ta asina halto y e webonan lo ta literalmente sinta den awa ora nos a yega na nan,” el a bisa. “Mi no ta kere mi a mira esey na un escala asina grandi.”
Erin nunca a subi tera y no a causa daño amplio na infrastructura a pesar di ta dobel e tamaño di un horcan averahe. Pero e turtuganan no tabatin mesun suerte.
Loggerhead, cu ta conoci pa nan cabes grandi y musculo fuerte na nan kaki, ta menasa na Merca pa motibo di pesca secundario, segun National Oceanic and Atmospheric Administration. Nan ta e turtuga di lama principal na e estado, y ta pone neishi cada dos pa tres aña entre mei y augustus, cu cada neishi conteniendo alrededor di 100 webo.
Meyer a bisa cu mirando mas ampliamente, e destruccion di decenas di neishi no ta bay tin impacto significante riba e especie. Pero pa e cantidad di boluntario cu ta pasa cada berano ta yuda monitor cada neishi ribae e beach di 42 kilometer, e ta doloroso.
“Ora bo ta sacando un neishi cu tin 100 turtuga morto, completamente desaroya, cla pa sali – mi ta bieu y custuma, pero e por ta dificil pa handle,” el a bisa.
Alrededor di 53 kilometer den nort oriente, e tormenta probablemente a destrui ocho di e 10 neishi restante di turtuga loggerhead riba Emerald Isle, segun Dale Baquer, coordinador di programa y presidente di Emerald Isle Sea Turtle Patrol.
Un a sobrevivi ora e turtuganan a logra sali diaranson anochi, mientras otro probablemente a logra pasa di manera sigur a traves di e tormenta pa motibo di su ubicacion mas halto riba e duinnen, segun Baquer. Pero tin tiki chens pa e otronan, maske no ta bay sa sigur te cu alrededor di 75 dia den e ciclo di incubacion.
“Realmente nan a sufri hopi daño. Hopi ola halto y hopi awa pega. Pero nos ta bay sigui keda optimista,” el a bisa.
Ambos organisacion a purba di keda dilanti di e tormenta door di piki borchi of pida heki of palo cu por a ser lastra of causa otro problema pa e turtuganan.
Pero tin tiki cu nan por a haci mirando e leynan estricto di North Carolina tocante tene e proceso di nacemento di e turtuganan natural.
Baquer a bisa cu unico biaha cu e grupo por obtene permiso pa yuda un neishi ta si ta conoci cu ya a nace of posiblemente si e ola ta dal e neishi y e webonan ta bayendo den lama. “E ta duna hopi stress y claro no ta algo cu bo ta custuma cune nunca, pero mi ta kere nos tur tin un mente cientifico cu esaki ta naturalesa y esaki ta loke ta bay pasa,” el a bisa.
