(AP) – Hospitalnan na Louisiana ya ta yen di pashentnan di e ultimo brote di coronavirus y ta topa cu un desafio cual ta e Horcan Ida, cual a yega tera diadomingo como un di e tormentanan mas fuerte cu a yega di dal Merca.
“Un biaha mas nos ta haya nos mes den medio di un desaster natural durante un pandemia,” Jennifer Avegno a expresa, ken ta oficial di salud di alto rango na New Orleans.
E tormenta a dal mientras cu hospitalnan y departamentonan di cuido intensivo aworaki ta yen di pashent di e cuarto ola di e pandemia di COVID-19, motiva pa e variante mas contagioso Delta, y porcentahenan baho di vacunacion den Louisiana.
Cantidad diario di casonan nobo na Louisiana a subi di algun 100 pa dia, pa mas di miles pa fin di juli. Den henter e estado, hospitalisacionnan a aumenta na casi 2,000 of menos den e olanan anterior, sinembargo den e ola actual aki, a yega te mas di 3,000 den augustus.
Gobernador John Bel Edwards a bisa riba diadomingo cu mas di 2,400 pashent di COVID-19 ta den Louisiana su hospitalnan. “Nos ta den un luga hopi peligroso cu nos hospitalnan,” Edwards a conta e Associated Press.
El a bisa cu evacuacion di e hospitalnan mas grandi no tabata un opcion.
“No tin hospital cu e capacidad pa tumanan,” Edwards a bisa. “Esaki kiermen cu mester sigura cu nan por mantene electricidad y awa, y tin acceso na tur e cosnan cu nan mester. Sigura cu tin oxygeno y tur otro cosnan cu nan tin mester lo consumi hopi di e tempo y atencion pa motibo cu nos sa cu si e electricidad bay, e lo por bay pa simannan largo.”
