Horcan Irma birando ‘sumamente peligroso’

Horcan Irma a bira un categoria cinco – e categoria di mas halto – cual ta haci cu awo e ta un horcan ‘sumamente peligroso’ mientras cu e ta crusa e Caribe. El a sostene bientonan di mas cu 280km/h segun US National Hurricane Center, avisando islanan den region pa haci lihe cu nan preparacion.

Florida,  unda e horcan ta premira pa yega diadomingo, a ya caba declara un estado di emergencia. Residentenan di otro dos estadonan Mericano, Texas y Louisiana, ainda ta bibando e efectonan di horcan Harvey, cual tabata un tormenta di categoria  4, cu a causa awasero pisa y destrui miles di hogar. Advertencia pa horcan a wordo duna na e siguiente islanan pa locual ta horcan Irma, cu lo yega Puerto Rico den menos cu 24 ora:

• Antigua, Barbuda, Anguilla, Montserrat, St Kitts and Nevis
• Saba, St Eustatius and Sint Maarten
• Saint Martin and Saint Barthelemy
• The British Virgin Islands
• The US Virgin Islands
• Puerto Rico, Vieques and Culebra

Guadeloupe y Republica Dominicana/Haiti ta riba alerta tambe.