Hospital no ta bay tin e di tres director

Horacio Oduber Hospital

 Ta asina aki cu Conseho di Supervision di Hospital tabata ocupa pa mas o menos 7 luna en busca di 1 director general pa hospital. Esaki a wordo haci conhuntamente cu KPMG Corsou, unda cu nan a sinta y delibera cu tres candidato. Pero na final Conseho di Supervision di Hospital a dicidi di no tin un di 3 director y lo keda dirigi pa 2 director.

Na caminda e dos candidatonan a cay afo, pero e delaster dos lunanan nan tabata ocupa cu e candidato te tres dia pasa no a yega otro. Conseho di Supervision di hospital a dicidi di keda cu dos director, director cuido di pashent y director financiero.

Pa e añanan cu ta bin asina aki Hospital lo wordo maneha. Den e experencia di Conseho di Supervision, den e delaster aña cu nan tin sinta nan a ripara cu hopi cos positivo ta pasando den hospital, segun Sr. Gino Goeloe. Cambionan grandi ta pasando y tin hopi mas cambio na caminda.

Na e momentonan aki nan ta ocupa riba e edificio cu a cuminsa algun tempo atras y esaki lo ta terminando pa otro aña. Nan a cuminsa cu un sistema electronico dossier di pashentnan. Tambe nan a cuminsa cu un proyecto JCI, cu ta un acreditacion pa Hospital. Asina aki tin hopi mas proyecto cu nan ta ocupa cun’e y Conseho di Supervision a ripara cu esaki ta bayendo hopi bon cu e dos directornan actual, Sr. Goeloe a indica.

Conseho di Supervision ta contento cu e dos directornan aki, y pa e motibo aki nan a dicidi den e caso aki di keda cu 2 director. Esey pa Conseho di Supervision, pa e coleganan di hospital ta contento cu e decision aki.

Decision
E decision di a bin cu un di tres director tabata pa motibo cu ora Conseho di Supervision a sinta hunto aña pasa, nan a haya di e Conseho di Supervision anterior un rapport cu a wordo skirbi pa un profesor. E profesor aki a indica den e rapport cu pa un periodo di 3 aña lo ta bon pa bin cu un director general. Esaki ta pasobra tin diferente proyecto andando den e edificio nobo. “Nos como Conseho di Supervision a wak e rapport, nos a evalua e rapport, nos a papia cu e Conseho di Supervision anterior y nos a tuma decision si a asina aki, nos ta bay sigui cu e maneho cu Conseho di Supervision a pone nos dilanti,” Sr. Goloe a indica. Pero pa shete luna nan a delibera, aunke cu nan a haya diferente candidato, na final nan no a haya e candidato ideal.

 

You May Also Like

caiso soca.jpg

Te ainda no tin otro actividad planifica di Caiso & Soca

Locual ta confirma pa Presidente di SMAC Randy Thiel, ta cu Tumba Contest lo ...

DSC_4510.JPG

Homber a maltrata anciano seriamente na San Nicolas

Diahuebs marduga pariba di Centro Medico na Pastoor Hendrikstraat na un cas a sucede ...

mitch henriquez.jpg

OM: lo no persigui e polisnan pa perhurio den caso Mitch Henriquez

– E polisnan acusa di envolvimento den e morto di e Arubiano Mitch Henriquez ...

Lista di MAS, ReD y CURPA ta conoci

Te cu na momento aki, tur 3 partido programa pa entrega nan lsita a ...

img_1443494592_922.jpg

Aguirre: Speransa cu Reino Hulandes lo no conoce frontera

AMSTERDAM – Segun informacion di nos colaborador na Noticia Cla, Marifer Aguirre Broca den calidad ...

13boto (NW) (3).jpg

Control riba botonan cu a bay evento Venezuela

Den un esfuerso pa garantisa siguridad riba lama y pa preveni cu ta importa ...