Algun hotel di Disney ta eliminando e borchi di ‘Do Not Disturb’ pa e Staff por check riba algun di e cambernan. Walt Disney World a switch e borchinan di ‘Do Not Disturb’ pa ‘Room Occupied’ na un cantidad di hotel na Orlando, Florida segun vocero di e compania. Disney tambe ta permiti departamento di mantencion pa drenta e cambernan riba basis regular. Nan ta bati na e porta y anuncia nan presencia prome cu nan drenta segun e compania. E borchinan ta bisa: ‘ Disney Resort Hotel y su staff ta reserva e derecho pa drenta bo camber, aunke cu e borchi ta poni, pa mantencion, y siguridad, y cualkier otro motibo.’
E cambionan aki – entre otro tambe a tuma luga na Hilton Hotels cu a cambi’e na November 2017 – a bin den cuadro cu e tragedia cu a sosode na Mandalay Bay hotel na Las Vegas aña pasa. Esaki tabata e caso unda cu e sospechoso Stephen Paddock a huur un camber riba e di 32 piso anto converti esaki den un nest di sniper cu un arsenal di arma di candela. El a tira den un concierto cu tabata tumando luga pafo na e momentonan ey y mata 58 persona, heridado cientos mas den locual a keda conoci manera e tiramento di mas violento den historia di Merca.
Fuente: CNN
