Den diferente medio di comunicacion e dia di ayera a reporta cu Corte di Husticia a dicta sentencia den e caso di ex-minister Plenipotenciario Guilfred Besaril ken a ser acusa di no cumpli cu su deber y mester retira for di su funcion na Cuerpo di Polis.

Den e sentencia ta indica cu e motibo di retiro disciplinario ta basa cu Besaril a comete un infraccion grave di loke tabata su deber y for di su actuacion a surgi dudanan di loke ta trata su integridad.

E ta acusa di lo siguiente:

  1. Emiti ordennan di pago cu beneficio personal.
  2. A realisa gastonan a costo di Pais Aruba.
  3. No a haci un control di facturanan.

Malversacion di placa di Pais Aruba durante biahenan priva entre 14 di december 2020 y 4 di januari 2021

  1. Abuso di funcion ora a haya informacion pa su beneficio personal y paga na Divi Village.
  2. Den periodo entre 9 di april 2021 y 17 di mei 2021a malversa di placa di pais Aruba.
  3. A haci uso di servicionan di Elever Strategy and Solution pa su mesun interes sin un formulario di aprobacion ni un ni un evaluacion di presupuesto.
  4. A haci uso di servicionan di VIP-services Schiphol pa biahenan/vakantie priva unda e costonan tabatin como fin priva.

Malversacion di placa di Pais Aruba durante biahenan di negoshi

  1. Tabata haya dobel compensacion pa credit card cu ta pertenece na Pais Aruba y durante biahenan di negoshi y tabata usa na restaurantnan mientras cu e tabata ricibi representatiekosten.
  2. El a haci uso di servicionan VIP na aeropuerto di Schiphol pa su famia a costo di Pais Aruba.

Gastonan excesivo di e minister Plenipotenciario

  1. Gastonan excesivo y ineficiente di fondonan di Estado for di 2018 te cu 2021 reemplasando telefonnan cada dos aña, e gastonan aki sin autorisacion tabatin un fin priva como por ehemplo, cumpra di mueblenan y facturanan di comprasnan di mueblenan pa baby.
  2. E la Reembolsa e prima di seguro medico di su casa directamente di caha di gobierno desde may 2019.
  3. A desvia di e procedura habitual pa haya un contract di huur
  4. No a cumpli cu procedura di aanbesteding pa cumpra un sistema di alarma pa e cas cu el a huur.
  5. A haci gastonan innecesario y excesivo pa renoba e cas cu el a huur.

Besaril no tabata di acuerdo cu e medida disciplinario y adopta e posicion cu e no a comete un delito grave of por lo menos algo cu ta hustifica su retiro,

Hues ta bay di acuerdo pa retira Besaril for di su funcion di polis aunke e la comete abuso di su funcion den calidad di minister plenipotenciario, pero ta di opinion cu tambe por pone e funcion aki di den su calidad di polis. Tambe hues ta bisa cu Besaril su accionnan cu e la haci, no ta haci’e apto pa traha como polis mas ni como un funcionario publico.

Despues cu prome minister Evelyn Wever-Croes a haya un e-mail anonimo unda e no por a actua na e momento ey debi cu no tabatin hechonan concreto, despues el a haya un otro e-mail di ekipo di Arubahuis na Hulanda splicando cu nan tabatin sospecho fuerte cu ex-minister Guillfred Besaril conscientemente no tabata actua a base di ley di comptabilidad.

Den esaki, no solamente el usa e credit card cu ta propiedad di pais Aruba, tambe el a huur un propiedad na Hulanda unda a drecha hardin y cura di e cas, a pone un sistema di alarma pa 10.900 euro y a haci reparacionnan den e mesun cas na un costo di 21.000 euro na aña 2020.

El a haci un biahe pa bin Aruba cu no a ser aproba pa Conseho di Minister na december di 2020 unda el a paga na hotel Divi Village 1.300 euro, tambe su yiu cu a caba di nace na e tempo ey a ser beneficia cu placa di pueblo di Aruba ora el a drecha ful e camber di e integrante nobo di e famia, su casa tambe a biaha riba VIP business class na momento cu Aruba tabata pasando un mal momento debi na pandemia di Covid-19 unda mas di 4.000 hende a perde nan trabou y empleadonan publico mester a entrega 12.6% di nan salario pa yuda esunnan cu mas tabatin mester di dje, esaki ta algun ehemplo chikito di hopi gastonan cu ex-minister Besaril a haci segun e investigacion di Centrale Accountants Dienst (CAD) cu na opinion di pueblo, e ta un burla y un insulto pa loke ta trata integridad.

Segun prome minister Evelyn Wever-Croes a informa Bon Dia Aruba na december di aña pasa “Centrale Accountants Dienst a splica varios suma cu Besaril a paga caba”.

Den Parlamento di Aruba na december di aña pasa, Roland Pang R.A di CAD a informa e parlamentarionan y pueblo di Aruba con e investigacion a bay unda nan a investiga 18 luna so pa motibo di aplicacion di e banco ABN Ambro, algo cu a ser cuestiona pa un parlamentario riba e hecho cu nan no tabata warda informacion di e cuenta di banco of pakico no a pidi esey for di archivo.

Dia 9 di januari 2023 Besaril a ser informa riba e intencion di impone e medida disciplinario di retiro na su persona pa lo cual el a presenta un obhecion dia 23 di januari, den lunanan di maart y april el a presenta e documentonan. E caso a continua na mei unda Besaril a presenta cu su abogadonan y ademas tambe tabata presente e director di CAD Roland Pang y J.P Croes controlado di CAD.