Siman pasa 27 di januari 2021 Landsrecherche, bao guia di hues- comisario y den cooperacion cu RST (Recherche Samenwerkingsteam), a tene huiszoekingnan na un compania na Curaçao y na un compania na Aruba. E huiszoekingnan aki a tuma luga den cuadro di e investigacion di Landsrecherche di posibel delitonan di corupcion y otro hecho nan castigabel rond di otorgamento di terenonan di gobierno entre 2009 y 2017. E investigacion aki ta conoci como Avestrus.
Durante e huiszoekingnan a tuma beslag riba cargadonan di dato y administracion. Pa awor no a haci ningun detencion. Avestrus, den cual ta investiga e posibel rol di un minister anterior, ta dirigi riba e pregunta si companianan a haya terenonan di erfpacht na un manera cu ta contra ley. E huiszoekingnan di siman pasa a keda cla.
E investigacion ta sigui. Na e momento aki Ministerio Publico no ta desea di duna mas informacion. Si bin mas desaroyo, lo comunica via comunicadonan di prensa.
