(NLTimes) – Aña pasa 126 persona na Hulanda a fayece como resultado di asesinato of batimento, cual ta 5 mas compara cu aña 2020. E cantidad di homber cu a ser asesina a aumenta di 77 persona den aña 2020 na 88 persona den aña 2021, y e cantidad di hende muhe asesina a disminui di 44 te na 38 segun Statistics Netherlands (CBS) a reporta diaranson.
E cantidad di victima di asesinato y batimento na Hulanda tabata relativamente stabil desde aña 2018, cu un averahe di 123 victima pa aña. Entre aña 2002 y aña 2004, un averahe di 231 persona tabata ser asesina na Hulanda cada aña. 12 di aña pas su victima no tabata biba na Hulanda.
Aña pasa, 70 porciento di e victimanan tabatin entre 20 pa 60 aña di edad. Casi 40 porciento tabata den nan 20 pa 30 aña.
Desde aña 2017 te cu aña 2012, cuerpo policial a identifica e criminal den 96 porciento di e casonan unda cu un persona femenino a ser asesina cu violencia. Den casi 60 porciento di e casonan aki, nan a ser asesina pa nan pareha of ex pareha. “E victimanan hopi biaha tabata ser asesina den nan cas pa medio di ser staca of nan ta ser strangula of cualkier otro acto di violencia fisico.”
Den asesinato di hende homber, 83 porciento di e criminalnan a ser identifica. Den 30 porciento di e caso e tabata un persona cu e victima ta conoce. Entre aña 2017 cu aña 2021, 31 mucha bao di 10 aña tabata victima di asesinato of batimento na Hulanda, pues 16 mucha homber y 15 mucha muhe. Di tur e muchanan aki, 28 a ser asesina pa nan mayornan. Den e mesun periodo, 42 hoben di entre 10 pa 20 aña a ser asesina, 14 porciento pa un mayor y 38 porciento pa un amistad of conoci.
Na Europa, Hulanda ta den e top 5 paisnan cu e cantidad mas abao di asesinato. Italia, Slovenia y Switzerland tin e cantidad mas abao pa cada 100,000 residente. Paisnan manera Rusia, Ucrania, Moldova y Lithuania tin e cantidad mas halto pa cada 100,000 residente.
