E uso di narcotico a aumenta significantemente entre studiantenan di educacion avansa desde comienso di pandemia di coronavirus, cu cuatro di cada dies studiante bisando cu awo nan ta usa mas alcohol y droga, segun un estudio entre mas di 7mil studiante ehecuta pa Lieve Mark, segun ANP ta reporta.
Di e studiantenan cu actualmente no ta satisfecho cu nan bida, 50 porciento ta bisa cu nan ta bebe mas of ta usa mas droga. Entre e resto, esaki tabata 31 porciento. “Studiantenan ta cauteloso pa asina largo cu nan a cuminsa mira alcohol of droga como un forma pa sinti miho. Y esey ta hopi preocupante”, investigador Zelda Geels a bisa.
Un di e motibonan principal pa e aumento di uso di narcotico entre studiantenan ta aburimento, maske un tercer parti tambe a bisa cu nan ta bebe mas of usa mas droga pasobra esnan rond di nan ta hacie. “E escogencia pa bebe of no no t’ey mas”, investigador Chris Vallenga a bisa. “Si bo compañeronan di cas ta dicidi di bebe den e area comun, bo ta simplemente join. Bo no por evita presion social manera antes.”
Lieve Mark, un iniciativa di studiantenan di Leiden, Delft y Utrecht, a sugeri pa Fieldlab set up mas eventonan experimental y mira si terasa, sport club y asociacion por habri di nobo.
