E seleccion femenino di futbol Hulandes lo ricibi mesun pago cu miembronan di ekipo masculino aki cuater aña. Esaki a keda dicidi dor di e Asociacion Hulandes di Futbol.
E prome aumento salarial substancial lo drenta na vigor despues di e Copa Mundial y lo ser extendi, incluyendo e campeonatonan Europeo di 2021 na Inglatera.
Entre 2021 y 2030, e pago lo aumenta di nobo te cu e yega na e nivel di e ekipo masculino, KNVB a bisa. ‘Esaki ta un stap grandi y un bon incentivo pa nos grupo actual’, e hungado Hulandes Vivianne Miedema a bisa.
E ekipo femenino Hulandes, actual campeon di Europa, ta na punto di participa den e Copa Mundial cu lo inicia diabierna awo. E Hulandesnan ta den grupo hunto cu Cameroon, Canada y New Zealand.
