(NLTimes) – Si e moda actual den e pais continua, Hulanda lo tin alrededor di 1.2 miyon empleado migrante trahando den e pais pa aña 2030, segun e reportahe di De Telegraaf cual ta basa riba un estudio pidi pa e asociacion di empleo ABU.
E pais ya caba a conta 750,000 empleado migrante na fin di aña 2019, y e asociacion ABU ta premira cu e cantidad lo solamente keda aumenta pa causa di e escasez di empleado cu ta sigui aumenta den e pais.
Hulanda ta enfrentando escasez di empleado den practicamente tur sector di su economia, y haya mas empleado for di otro paisnan por ta un solucion pa esaki. Anteriormente e luna aki, Minister Karien van Gennip di Asuntonan Social y Empleo a bisa cu e economia Hulandes no por funciona sin empleadonan migrante. “Mi no por imagina con e economia lo cana sin nan,” el a comenta.
Van Gennip ta pensando riba e posibilidad di atrae hobennan for di Spaña y Francia, unda cu tin un averahe hopi halto di empleo pa hobennan, pa asina nan por traha den Hulanda su industria di hospitalidad.
