(NLTimes) – Hulanda lo manda su ultimo fighter jet F-16 pa Ucrania dialuna, asina minister di Defensa Ruben Brekelmans a anuncia diadomingo durante e programa di television WNL op Zondag. Cu e entrega aki, tur 24 F-16 Hulandes priminti na Ucrania lo a ser transferi.
E prome F-16nan Hulandes a yega Ucrania aña pasa como parti di esfuersonan di sosten internacional. Hunto cu Hulanda, paisnan incluyendo Dinamarca, Belgica, Francia y Noruega tambe a priminti avionnan di guera pa Kyiv.
A pesar di e sosten aki, Ucrania ya a perde dos F-16 den e guera continuo cu Rusia. Anochi, Rusia a lansa su asalto aereo di mas grandi riba Ucrania den simannan, matando por lo menos 12 hende y heridando decenas, mientras cu casi 300 drone y 69 misil a ataca varios ciudad, incluyendo Kyiv, NOS ta informa.
Pilotonan Ucraniano ta ricibi nan entrenamento na e centro di entrenamento di F-16 Europeo situa na e base aereo Rumano na Fetesti. Pa facilita e entrenamento aki, Hulanda a duna 18 F-16 na Rumania, mehora e capacidad di e pais pa sostene educacion di piloto di Ucrania.
