(NLTimes) – Ucrania lo haya 300 miyon euro e aña aki y otro aña for di Hulanda pa e reconstruccion di e pais. E placa ta destina pa ser usa pa restaura e suministro di coriente y awa di bebe, e prome minister di cuido Dick Schoof y e minister di Asunto exterior, Caspar Veldcamp, a bisa diahuebs durante un conferencia internacional na Roma.
“Rusia no solamente ta purbando di trece Ucrania na rudia, pero nan a purba tambe di destrui sociedad y economia di Ucrania durante e ultimo tres añanan,” Veldcamp a bisa na e conferencia anual di Recuperacion di Ucrania. “E economia y sociedad di Ucrania mester keda intacto. Esaki lo yuda e pais den e bataya.”
E guera na escala completo entre Rusia y Ucrania a cuminsa dia 24 di februari 2022, ora cu forsanan Ruso a lansa un invasion ‘multi-prong’ den Ucrania for di noort, oost y sur, marcando e conflicto di tera mas grandi di Europa for di Segundo Guera Mundial.
Desde e tempo ey, e guera a causa perdidanan asombroso. calculacionnan di inteligencia occidental ta sugeri mas cu 500.000 victima militar combina, cu Rusia posiblemente ta sufri mas cu 200.000 morto y 600.000 herida, mientras cu e perdidanan militar di Ucrania ta ser calcula na 60.000–70.000 morto y mas cu 300.000 herida.
E Gabinete a priminti mas cu mey biyon euro na ayudo economico na Ucrania pa 2025 y 2026. Di esaki, 200 miyon euro a ser anuncia caba. E alocacion di e fondonan cu ta resta awor tambe a ser revela.
E aña aki, 52 miyon euro lo bay pa restaura e infrastructura di energia y suministro di awa pa bebe. Ademas lo gasta 20 miyon euro na sosten cibernetico pa proteha e pais di atakenan digital.
