NIEUWENDIJK – Recientemente durante di un accion na Nieuwendijk, na West-brabant polis a haya un cantidad grandi di droga sintetico.
Polis ta papia di un lote grandi cual a haya riba e di dos piso di e edificio na Rijksweg. Polis a detene un homber di 21 aña di Waalwijk relaciona cu e caso aki. Riba e piso abou di e edificio tabatin un compania. A haya un gran cantidad di saconan di plastic cu pildonan ecstasy, tambe un cantidad di amfetamina y MDMA. Total, sigur tin un 200 kilo di droga. Polis ta papia di un balor di miyones di euro. Segun autoridadnan ta trata di un centro di distribucion.
