Adam Eidinger, lider di e protesta cu a pasa Diasabra dilanti White House na Washington, ta bisa cu e no ta curasha hende pa bay huma den publico, pero e protestadornan a sinti cu nan mester a hala e atencion di e presidente. Nan ta pidi pa Presidente Obama elimina Marijuana for di e lista di Controlled Substances Act, e protestadornan kier pa marijuana wordo decriminalisa riba un nivel federal.
”Nos no ta bay wordo ignora mas”, Eidinger ta bisa Marijuana Politics.
”Si nos mester huma den publico pa nos gara nan atencion , esaki ta e tactica cu nos ta bay tin cu uza pasobra nan ta ignorando nos pa hopi tempo caba. Nos mester legalisacion rond henter e pais”
Dos activista a haya boet di 25 dollar pa consumimento publico pero aparentemente nan a keda tira huma den e cara di e oficialnan.
Ningun persona a wordo aresta pero e protesta no a wordo bon ricibi tampoco.
Por lesa mas aki: Yahoo News
