Ayera e hunta di comisario di Elmar a suspende e director di Elmar Rob Henriquez pa un periodo di trinta (30) dia. E decision aki no tawata uno facil, pero si uno necesario mirando diferente kehonan serio di mal maneho y iregularidadnan di sosodiendo den e compania aki.
E kehonan entre otro di ‘secuestro’ cu a wordo haci recientemente na Landsrecherche y tambe e
intrankilidad cu ta existi pa un tempo caba na Elmar. Pa motibo di esaki e hunta di comisario a conclui cu un investigacion na e diferente keho y sospechonan ta necesario.
E suspension lo sirbi tambe como un tipo di ‘koel afperiodo’ den cual ta spera di por trece trankilidad bek na Elmar y frena discusion publico y negativo tocante e director y tocante Elmar cu ta tumando luga.
Hunta di comisario mester a interveni pa asina por cumpli cu su responsabilidad manera duna den e statuto di Elmar. Esaki ta segun e comunicado cu nos ricibi.
Pa loke ta e investigacion na e director suspendi, esaki lo cuminsa de inmediato y lo mester.
wordo haci cu cautela y prudencia. P’esey, y den interes di Elmar (y e director mes), hunta di
comisario lo abstene su mes di comentario despues di awe y durante henter e proceso di
investigacion. E hunta ta pidi comprension pa cu esaki.
