(AP) – Xavier Lopez, e comediante y icono di television Mexicano pa Mucha y miho conoci como ‘Chabelo’, a fayece cu 88 aña di edad e president Andrés Manuel López Obrador a publica diasabra.
López su trabao mas conoci ta e programa conoci cu tabata tuma luga tur diadomingo yama “En Familia con Chabelo”, cual como Mexico su programa mas largo tabatin un recorido di 48 aña, cuminsando den aña 1967 y culminando na aña 2015.
E president Mexicano a skirbi riba su cuenta di Twitter cu su propio yiu mas grandi, José Ramón “tabata lanta trempan pa mira Chabelo riba television mas di 40 aña atras.”
López, ken no tin relacion cu e presidente, usualmente tabata presenta bisti manera un mucha te hasta den su 80 aña di edad. E ta un di e personanan cu a yuda funda un genero di comediantenan adulto cu ta bisti como mucha, un genero cu tin decada siendo un base den e television Mexicano y ta sigui parti di e base te cu dia di awe.
E gran recorido di su carera tabata un topico cu a trece dilanti speculacion cu hopi tabata pensa cu e lo biba mas cu tur hende den e industria di television Mexicano. Agente di Lopez, Jessica Nevilley a bisa cu el a fayece diasabra mainta. Lo organisa un funeral priva pa su persona.
Chabelo a nace na Chicago cu mayornan Mexicano. El a bolbe back Mexico cu su famia na un edad chikito y a train pa bira un docter sinembargo prome cu e por a eherce e carera aki el a haya su yamado den actuacion. Su casa y varios yiunan kendenan ta keda, a skirbi riba su pagina pa fanatico cu el a fayece di “complicacionnan abdominal.”
