Igualdad di genero tin un caminda largo pa bay

RUSIA – Ora cu oficina di ehercito di Rusia a ordena un sesion di potret pa celebra dia internacional di hende muhe, no a presenta ningun di e 45mil muhe cu actualmente ta duna servicio na e forsa arma di e pais.

Den e potret ta mustra bailarina cu shimis blanco ta posa hunto cu militar activo den combate. “E poder di e homber ta den e ternura y amor di e muhenan”, asina e nota di militar tabata bisa.

Dia internacional di muhe ta marca diabierna y mucho otro pais ta yamando pa e igualdad di genero. Na Rusia, esaki ta ainda un dia festivo centra principalmente na e celebracion di rol tradicional di genero.https://apnews.com/70499d77d5bd4ea3b4462d32907420d4/gallery/media:71886b0e07c84ef69dbbf7e45d4e6847

A pesar cu na Rusia tin muhe cu ta den posicion prominente den gobierno, hefe den banco central, of orador di camber di parlamento, e problemanan tradicional relaciona cu genero ainda ta prevalece, manera pago di salario, violencia domestico y acoso sexual.

Parlamento Ruso a vota na 2017 pa des- penalisa violencia domestico cu no ta causa daño grave na e curpa, un paso atras den un pais unda violencia ta generalisa. Segun Human Rights Watch, cada aña como 12 mil muhe ta muri como resultado di e violencia domestico na Rusia.

“Cu tur e oportunidad cu muhe tin, nan no ta yega na e mesun nivel di educacion, crecemento den carera y remuneracion di nan trabou, manera un homber ta”, asina e minister di Rusia a bisa.

 

 

You May Also Like

Amplia programa di reembolso directo di medicina

MERCA – E seguro di salud mas grandi di e pais ta expande programa ...

el chapo.jpg

Prome triunfo di Chapo na corte di New York

Diaranson Joaquin Chapo Guzman, ex capo di narcotrafico na México, a haya su prome victoria ...

Taliban a mata 95 persona cu bom den ambulance

Un ‘suicide bomb’ a mata mas o menos 95 hende y herida 158 mas ...

Inspeccion aviacion Hulandes no ta funciona bon

Luna pasa secretario di estado Hulandes Sharon Dijksma a bisa cu Hulanda lo interveni ...

sad-lionel-messi-refuses-copa-america-mvp-after-losing-finals-e1436199466201.jpg

Messi ta retira for di futbol internacional

”Pa mi, e team nacional ta over.” El a bisa despues di e derota ...

Sospechoso tras di explosion na concierto di Ariana Grande identifica

  Hoben Salman Abedi, 22, a wordo identifica como esun tras di e explosion ...