E relacion entre actriz Mexicano, Eiza Gonzalez y e actor Mericano, Timothee Chalamet ta den su punto mas halto despues cu a capta nan riba beach paseando hunto na Los Cabos, Baja California Sur. A mira e pareha recientemente na un fiesta cu a organisa como parti di un vakantie den compania di algun amigo.

E potretnan di e fiesta ey a bira conoci algun dia atras, mustrando Timothee tumando un guitara y tocando pa Eiza y su compañeronan di biahe. Di su banda, Eiza ta aparece bistiendo un bikini blauw.

Gonzalez y Chalamet ta hospeda den un resort luhoso na Los Cabos unda ta parce cu nan pasion no tin fin. Ya cu riba algun potret por aprecia con e protagonista di Call Me by Your Name ta brasa Eiza fuertemente, como si e tabata consolando e.

E relacion a tuma luga algun siman despues cu Chalamet a termina cu Lily-Rose Depp, yiu di e famoso Johnny Depp. Chalamet y Gonzalez a conoce otro na e set di e serie di Netflix, The King. Den e serie, Timothee a interpreta rey Henry V, mientras Gonzalez a interpreta su esposa, Catherine de Valois.

Gonzalez no a stop di sorprende cu su bikini, cu cual ta mustra su figura sensual. E pareha a duna hopi di papia, pues a forma parti di e tendecianan y hasta polemica, manera e potretnan recientemente publica cu ta mustra e actriz cu blackface. E polemica a tuma luga den contexto di e manifestacion di e movemento Black Lives Matter, cual a haci Gonzalez un tendencia riba rednan social.

LEAVE A REPLY

Please enter your comment!
Please enter your name here