Ministerio di Salubridad Publico a inaugura oficialmente e facilidad nobo di Animal Control Department (ACD), un paso importante den direccion di un sistema di maneho y control di animalnan mas organisa, responsabel y sigur na Aruba.
ACD lo fungi como un centro di coordinacion y implementacion di regulacionnan relaciona cu bienestar y seguridad di animalnan. E facilidad nobo ta brinda mas capacidad pa traha cu eficiencia, pa salvaguardia salubridad publico y pa mantene orden den nos barionan.
Ademas di su rol den regulacion, ACD ta sigui dedica na orientacion y conscientisacion di comunidad riba cuido y propiedad responsabel di mascota.
Ministerio di Salubridad Publico ta expresa su gratitud na tur esnan cu a contribui na e logro importante aki.
Minister Wyatt-Ras a indica: “Hunto nos por construi un Aruba caminda ley, comunidad y respet pa animalnan ta bay man den man.”
