India: Miles ta protesta abuso di mucha di 3 aña

Miles di persona a subi caya pa protesta violacion di un mucha di 3 aña. Su bisiña a hib’e baño y comete e acto. Esaki a ocasiona enfrentamento intenso entre manifestantenan y forsa di gobierno.

Administrado local, Baseer Khan a bisa cu polis a detene e sospecho na un pueblo di Sumbal. E mucha muhe a wordo hiba hospital den condicion critico. Su condicion ta stabiel.

Protesta ta continua den areanan nobo, e famia di e sospechoso a mustra den un certificado di nacemento di un scol, bisando cu e persona cu a viola e mucha tin 13 aña. E multitud manifestando a grita cu e documento ta falso, nan kier dun’e un edad hoben pa asina evita e sentencia maximo, di bida den prizon.

Nan ta bisa cu e sospechoso tin 20 aña di edad, y ta traha den reparacion di motor. Polis ta puntrando e director di e scol pa wak ken a entrega e certificado mustrando edad di 13 aña. Protestantenan a blokia un highway y a pleita cu e forsanan di gobierno den varios area di e region.

Centenares di civil y personal di gobierno ta herida pa motibo di e pelea, polis y ambulance ta bisa. Tambe studiantenan a uni e protesta, demandando husticia pa e victima. Khan, e administrado, ta pidi pa calma. “Lo tin husticia y lo duna e castigo cu merece pa ley.”

India tin cantidad grandi di abuso sexual den e ultimo añanan, incluyendo violacion den grupo ‘gang rape’, y matando un studiante y despues huy den bus. E atake aki a pone e pais den preocupacion pa e violencia grandi contra muhe.

Mientras gobierno a pasa un serie di ley hisando castigo pa violacion, ta poco comun pa mas di algun siman pasa sin cu otro abuso sexual brutal ta ser reporta.

 

You May Also Like

Polonia: Documentario di pastoornan pedofiel

Un documentario nobo a bin dilanti cu mas caso di pastoor cu ta abusa ...

NAFTA: Di seis buelta di negociacion entre Merca, Canada y Mexico a inicia

(Univision) – Representantenan di Canada, estadonan uni y Mexico a inicia ayera e di ...

Grupo di peuters a bira “fugutivo”; Daycare a perde licencia pa opera

Un daycare na e estado Mericano di Louisiana a perde licencia pa opera despues ...

Detencion den labamento di placa pa oficialnan Venezolano

Doñonan di un compania di ‘Miami Equipment & Export Co’, a wordo aresta diaranson ...

Trump ta nenga yamada pa hisa limitacion di edad pa arma di candela

Presidente Mericano Donald Trump su plan pa elimina tiramento na scolnan no ta inclui ...