Banco Central di Aruba (BCA) a conclui e Encuesta di Confiansa di Consumidor pa e promer trimester di 2025. E encuesta di confiansa di consumidor ta evalua e percepcion economico di e consumidor local.
Preocupacion principal di consumidor den e di promer trimester di 2025:
- Deterioracion di e situacion di negoshinan y di economia a baha na 67% (2024-IV: 39%).
- Casi 49% di e encuestadonan ta premira cu e posicion financiero di gobierno lo empeora (2024-IV: 27%).
- Cerca di 44% di e encuestadonan ta premira cu e situacion financiero di nan hogar lo deteriora (2024-IV: 26%).
- Na 36% a keda igual cu e encuestadonan ta premira mas dificil pa haya un trabou nobo (2024-IV: 36%).
Consumidornan tabata menos pesimista, mirando cu e Indice di Confiansa di Consumidor a subi cu 0,8 punto di indice te na 95,0 den e promer trimester di 2025 (mira Grafico 1).
E Indice di e Situacion Actual a subi cu 0,8 punto di indice te na 94,8 den e promer trimester di 2025. Mientras, e Indice di Habito di Consumidor a crece cu 3,0 punto di indice te na 97,6. Di otro banda, e Indice di Expectativa a baha cu 1,9 punto di indice te na 93,0 durante e promer trimester di 2025. Esaki ta indica cu consumidornan ainda ta cauteloso encuanto nan habito di compra y fiansa den e promer trimester di 2025. Pa cu e Indice di Expectativa di Prijs esaki a baha cu 0,1 punto di indice te na 90,6 den e promer trimester di 2025 (mira Grafico 2).
Prijsnan mas halto den e proximo 6 lunanan ainda ta keda un preocupacion grandi pa e encuestadonan, como cu e la expande cu 12,0 punto di indice te na 94% den e promer trimester di 2025. Encuestadonan cu a indica cu nan por “cumpra menos cu nan entrada compara cu 6 luna pasa” a baha na 83% den e promer trimester di 2025. Pa cu e encuestadonan cu a expresa cu nan ta spaar menos, esaki a baha te na 36% den e promer trimester di 2025.
