Banco Central di Aruba (BCA) a conclui e encuesta di percepcion di negoshi pa e di cuater trimester di 2024. E encuesta di percepcion di negoshi ta evalua e percepcion economico di e negoshinan local.

E asina yama ‘Business Perception Index’, cu ta consisti di e indicenan di condicion economico actual y condicion economico a corto plaso, a crece for di 106,3 den e di tercer trimester di 2024 te na 107,8 den e di cuater trimester di 2024 (mira Grafico 1).

E Indice di Condicion Economico a corto plaso y Indice di Condicion Economico actual a subi cu 2,1 punto di indice y 1,2 punto di indice te na 107,8 y 107,8, respectivamente, den e di cuater trimester di 2024 (mira Grafico 2).

E expectativa pa locual ta crecemento economico, 49% di negoshi encuesta ta anticipa un crecemento economico flat den e siguiente 12 lunanan (mira Grafico 3).

Durante e di cuater trimester di 2024, e porcentahe di negoshi encuesta indicando “bahada” den empleo a subi cu 12,6 punto di porcentahe te na 18,4%. E porcentahe di negoshi encuesta cu a raporta un “ganashi” a baha cu 4.9 punto di porcentahe te na 81,6% den e di cuater trimester di 2024. E porcentahe di negoshi encuesta indicando “mehoracion” den e condicion economico actual di inversion a subi cu 2,5 punto di porcentahe te na 42,9% den e di cuater trimester di 2024. Encuanto condicion economico a largo plaso pa e siguiente 12 lunanan, 42,9% ta anticipa cu e tasa di inflacion lo varia entre 2% y 3%.

E relato completo di e encuesta di percepcion di negoshi ta disponibel ariba website di BCA www.cbaruba.org.

Tocante Banco Central di Aruba

E proposito principal di Banco Central di Aruba (BCA) ta pa contribui na stabilidad financiero y prosperidad economico di comunidad di Aruba. BCA ta logra e mision aki door di implementa un maneho monetario efectivo dirigi na mantene stabilidad di balor di e florin, promove e solides y integridad di e sistema financiero y yuda mantene un sistema di pago eficiente y confiabel.

Banda di su tareanan principal, BCA ta encarga cu emision di biyete di florin y moneda di florin y ta e bankero di gobierno. Ademas e ta regula e transaccionnan di pago cu exterior y ta administra e divisanan di Aruba y ta controla e uzo di esaki.

Pa mas informacion tocante Banco Central di Aruba, por bishita su website www.cbaruba.org