Indigena Wayampi di Guyana Frances lo vota sin conoce e cara di candidatonan

Awe diasabra na Trois Sauts, un comunidad chikito di Guyana, e grupo di indigena lo vota pa eligi e presidente di Francia, a pesar cu nan nunca a wak e candidatonan ni sikiera riba un potret.

“Nos no sa pa cua hende nos mester vota,” Georges, un hoben adulto Wayampi a splica. Wayampi ta un di seis grupo cu ta biba den teritorio Frances di Sur America. Su pueblo ta cerca di Brasil, y e unico posibilidad pa drenta ta via helicopter of despues di hopi ora di biahe riba un piragua.

E di dos buelta di eleccion entre candidato di centro Emmanuel Macron y candidato di ultra derecha Marine Le Pen, lo vota riba continente Mericano prome cu e dia formal di eleccion na Francia metropolitano.

“Mi no conoce Marine Le Pen, pero mi a papia cu mi tata y el a splica mi varios cos tocante su tata, Jean-Marie Le Pen”. E tabata un lider di partido di derecha hopi conoci pa su posicion xenofobo y antisemita,” Frédéric, un yiu di un hefe di e grupo di  Wayampi a bisa.

Marius di 21 aña, “despues cu nos vota, anto e presidente no ta pensa riba nos mas”. Nos no conoce e candidatonan y nos no sa pakico e proceso di eleccion ta.” Otro homber a bisa nos no worry cune “diasabra ta e proceso di eleccion y nos lo bay vota”.

E solitario di Fillon
E aña aki e programa di candidatonan no a yega na Guyana, excepto un borchi cu a ser transporta den helicopter di e candidato Fillon, cu ta colga hunto cu otro anexo na sede di alcaldia.

E noticia no ta yega na e zona aki, pasobra nan tin un operador mobil so y e cobertura di red ta malo, nan no tin television pasobra no tin electricidad.

E situacion mas curioso ta e participacion den prome buelta na Trois Sauts, pasobra  tabata di un 49%, un porcentahe hopi halto compara cu Guyana den su totalidad. Mayoria di hende cu por vota na Guyana a dicidi pa no participa. Pa di dos buelta hende no tin entusiasmo: “Mi no tin boluntad pa bay vota” Alban a splica.

“Nan no ta haci nada pa nos, nos no tin luz, ni electricidad, nos kier cu e pueblo por bira mas desaroya,” Georges a sigura, cerca di frontera cu Brasil.

You May Also Like

Lo celebra huicio di Chapo Guzman na april 2018

Diabierna un hues Mericano a dicidi cu e huicio di Joaquín “el Chapo” Guzmán, ...

Cartagena: Cinco edificio di 30 piso ta daña bista riba patrimonio cultural

Un grupo di shete compania ta construyendo un set di cinco edificio di mas ...

Guatemala: Consulta popular pa conflicto di frontera cu Belize

Aunke tur analista ta di acuerdo cu e participacion lo tabata minimo, 7,5 miyon ...

PDVSA den problema grandi na Bonaire

(lapatilla.com/Reuters) – E empresa petrolero Venezolano PDVSA por perde su licencia pa opera un ...

‘Gobierno’ di Boneiro a cay atrobe

Pa di 4 biaha den un mey aña e colegio cu ta goberna Boneiro ...

Mas di mil aresto den demostracion contra gobierno

E organisacion Foro Penal na Venezuela a confirma cu nan a registra desde 4 ...