Ingenieronan di Uganda a revela e prome bus solar pa Africa

Kiira Motors a revela un prototipo di  nan  ‘Kayoola’ bus electrico
riba un stadion den Uganda su capital, Kampala.

E bus ta consisti di 2 bateria, cual 1 di nan ta wordo carga door di
‘solar panels’ cu ta riba e dak di e bus. Esaki ta juda e vehiculo core un alcance
di 80Km pa ora. E diseñadornan ta spera di atrae sponsornan pa asisti den e fabricacion y mehoracion di e vehiculo pa e mercado internacional.

Ehecutivo di Kiira Motors, Paul Isaac Musasizi a conta BBC cu e ta hopi
contento cu tur e reaccion positivo  cu e la ricibi despues di e prueba.
E la agrega tambe cu su intenshon ta pa juda e pais bira e ‘’campion den
e industria di auto, ingenieria y fabricacion’’.

E tambe ta spera cu e lo por genera mas trabao, cual nan ta mira pa aña 2018 lo por tin mas cu 7,000  empleado pa traha riba e Kayoola bus.
E vision ta pa aña 2039 e compania lo por tin e abilidad di fabrica tur e partinan y
arma e vehiculo na Uganda mes sin tin mester di companianan internacional pa juda cu esaki.

Cada bus lo costa $58,000 pa fabrica, locual Mr.Musasizi ta bisa ta un prijs hopi
competitivo. Kiira Motors a crece for di un proyecto na Universidad Makerere na Uganda, cual awo ta un accionista den e compania, y cual tambe a ricibi  fondo di Gobierno.

Source: BBC