‘
Stichting MUSICA kier anuncia na tur banda/musico, cantante, compositor y aregilsta nan fecha di inscripcion pa e tan spera Aruba Caiso & Soca Monarch Festival 2017. Inscripcion lo tuma lugar otro siman Diaranson 11 januari 2017, na Centro di Bario Brazil di 7pm pa 10pm. Esaki lo bira e prome evento oficial di MUSICA pa e dushi temporada di Carnaval 63. Pa e dia di inscripcion tur participante mester trece cu ne un ID valido, Titulo + Compositor + Areglista di su Caiso y/of Soca, nomber di e banda cu elo participa cu ne y tambe e pago pa inscribi.
Letra por wordo entrega despues. E anochi aki lo ta den un ambiente agradabel y carnavalesco unda musiconan por topa y comparti un rato ameno, cu música y wega nan di domino lo tin bar y cushina bon surti. No warda te na ultimo momento pa yega Centro di Bario Brazil, yega trempan pa disfruta di e anochi aki hunto cu bo coleganan músico y Stichting MUSICA. Tur fanatico nan ta bon bini. Pa mas informacion tocante e anochi aki por tuma contacto cu: Sra. Edwina Werleman na cell: 593 0006, Sra. Inky Richardson cell: 593 4453
