Inspeccion aviacion Hulandes no ta funciona bon

Luna pasa secretario di estado Hulandes Sharon Dijksma a bisa cu Hulanda lo interveni den e departamentonan di inspeccion di aviacion na Aruba y Corsou. Nan lo manda inspectornan di nan mesun departamento di inspeccion pa yuda drecha e situacion. Pero awor ta mustra cu nan inspeccion mes no ta funcionando bon.

E noticia aki a sali diasabra den prensa Hulandes. ‘Vlieginspectie lachwekend incompetent’ asina De Telegraaf ta publica. Nan ta papia di e inspeccion ILT cu pa motibo cu nan a corta riba e departamento aki, y tambe falta di conocemento y mucho reglanan burocratico, no ta funcionando. Nan ta haci eror na aeropuerto di Schiphol y tambe esunnan regional.

E supervision ta asina malo cu hasta e siguridad den aviacion ta na peliger, asina aerolineanan y otro organisacionnan ta bisa. E presidente di Koninklijke Nederlandse Vereniging voor Luchtvaart (KNVVL) tambe a bati alarma. E ta bisa cu e relacion cu e inspeccion y aerolineanan ta riba nivel asina abou cu siguridad ta sufriendo. Segun e fuente Hulandes e director nobo di e inspeccion Hulandes, esta Jacqueline Lamé, ta admiti cu hopi cos ta bay robes. Un compania externo a haci un analisis y awor lo bay reorganisa e departamento.

Na Aruba e departamento tampoco ta funcionando manera mester. Asina ILT a conclui a base di e situacion cu InselAir a trece. Sinembargo Aruba ta haci miho cu e departamento na Corsou. No ta conoci si e problemanan awor den ILT ta stroba e proceso cu Hulanda a palabra cu e islanan pa yuda drecha nan departamentonan di inspeccion di aviacion.

 

You May Also Like

turkia.jpg

Atake na Turkia un mucha di 12 – 14 aña

E atake cu a tuma luga diasabra na Turkia a mata 51 persona den ...

Curpa sin bida di muhe haya den maleta

Valeria Reyes kende su curpa a wordo haya den un maleta cerca di e ...

Comey: “Trump a gaña riba mi y FBI”

James Comey, ex director di FBI a contesta docenas di pregunta durante un testimonio ...

image.jpeg

Glas di bentana di auto no ta garantisa proteccion contra rayonan di solo dañino

  Bentananan di auto no ta proteha contra rayonan di solo dañino, pues e ...

saidimg_4746_fe12178df2a71567384470d9729c6ddb.nbcnews-ux-2880-1000.jpg

Prizoneronan ta cushina estilo ‘Fine Dining’ den prizon na Italia

Normalmente , cuminda di prizon no ta nada cerca di ‘Fine Cuisine’. Pero den ...

Homber Ruso deteni na Indonesia ta trafica macaco

Un homber Ruso a ser deteni na aeropuerto di Bali (Indonesia) pa motibo di ...