Mark Zuckerberg e magnate bilionario y e celebro inventor tras di e medio social mas grandi na mundo cu yama Facebook a ricibi awe su diploma di e universidad di Harvard.
Na 2005, Zuckerberg den un entrevista cu e corant di e scol, ‘The Crimson’, a declara cu e no lo regresa despues cu na 2004 e la inventa ‘The Facebook’ cu awe e ta media mas influyente di nos tempo. Zuckerberg a ricibi un titulo honorario pa su diploma cu ela caba den psicologia. Durante su desertacion e la splica cu pe tabata hopi importante pa caba su estudio pero e ta sigur cu pa su mayornan esaki tabata mas importante ya cu nan tabata kier a mir’e cu un diploma den man.
Algun ora pasa e la post un potret hunto cu su mayornan Edward y Karen Zuckerberg cu un mensahe bisando: “Ma, mi semper a bisabo cu mi lo regresa pa mi diploma.”
