Investigacion parlamentario riba boramento pa gas na Groningen

DEN HAAG – Un investigacion parlamentario lo wordo haci riba extraccion di gas na Groningen. Tweede Kamer a duna sosten unanime na esaki. Segun nan, lo ta bon pa e restauracion di confiansa den politica di Groningen si tin responsabilidad pa e escogencianan haci pa personanan, organisacionnan y institucionnan.

GroenLinks y PvdA a propone anteriormente pa lansa un investigacion tocante extraccion di gas, pero e mocion a ser posponi. Despues di consulta cu tur otro partido den Tweede Kamer, e texto awo a wordo ahusta y firma pa representantenan di tur partido.

E mocion nobo ta declara explicitamente cu e investigacion no mester causa retraso den reparacion di e dañonan causa pa teremoto di fracking, of den combati e riesgonan di mas teremoto y mas daño. Segun e mocion, e investigacion lo cuminsa ora e ‘resfuerso fisico di e viviendanan den mas riesgo a cuminsa structuralmente, como tambe e proceso di asentamiento’. E mocion ta declara cu dos organisacionnan implementario mester wordo set up y hancra legalmente, y nan mester ta funcionando prome cu e investigacion cuminsa.

Esaki ta involucra e Instituto pa Daño di Mineria y e Instituto pa Organisacion di Resfuerso. Ta spera cu e amienda legislativo den cual e institutonan aki ta regula lo wordo entrega na Tweede Kamer e aña aki.

Investigacionnan parlamentario ta relativamente inusual na Hulanda. Nan ta considera un medida fuerte, den cual testigonan ta obliga di testigua bou huramento. E ultimo investigacion asina a tuma luga entre 2013 y 2016, y a enfoca riba e asina- yama ‘Fyra debacle’, tocante e conexion di trein entre Hulanda y Belgica.

 

 

You May Also Like

Brasil: Mas acusacion contra presidente Temer pa corupcion

E magistrado Edson Fachin, instructor di e investigacion di iregularidadnan en torno e caso ...

Venezuela: Lopez Obrador tin ‘porta habri’ pa dialogo

Presidente di Mexico, Andres Manuel Lopez Obrador, a afirma ayera cu su pais tin ...

Vice-presidente di Asamblea ta refugia den embahada di Chile

Freddy Guevara, vice-presidente d Asamblea Nacional,  a solicita proteccion den embahada di Chile, despues di menasa ...

Gobierno di Venezuela ta interveni den 709 panaderia na Caracas

Despues di e intervencion y hasta expropiacion di varios empresa den diferente ramo, gobierno ...

Skelet humano haya tras di campo Alegre

WILLEMSTAD – Durante fin di siman a descubri un skelet humano den mondi patras di ...

“Mi ta biba den un persecucion permanente na mi cas”

Luisa Ortega Díaz, Fiscal general di Venezuela no ta keda sin denuncia tur violacion ...