E dia di e caminata di Trupial Kleuterschool ta yegando cerca y nan ta manda un invitacion personal den nomber di Comision di Mayor y tur maestranan di Trupial Kleuterschool na pueblo di Aruba pa cumpra ticket pa nan caminata. E caminata ta Diasabra awor 5 di November y ta sali 5.30pm for di Hulpbestuurskantoor Santa Cruz y ta termina mes caminda. Ta cuminsa cu un zumba warm up pa 5.00pm. Tin dos opcion di ruta. Uno largo y e otro cortico, asina full famia por bin core of cana y pasa un rato ameno y aporta na e scol. Registracion ta cuminsa 4:00pm. Mester registra pa ricibi un ticket pa participa den e tombola pa asina tin chens pa gana un di e tremendo premionan. Trupial Kleuter school tin un total di 31 premio pa rifa na final di nan caminata cu ta cortesia di 19 comerciante cu a aporta na e caminata. Trupil Kleuterschool kier yama Danki na El Gaucho Restaurant, Richelle Beauty Vision, Eforea Spa, Giselle Department Store, Setar, K&G Boutique , Footfit Saloon, Don Jacinto Restaurant, La Tratoria el Farro Blanco, Digicel , Dowco, De Palm Tours, Mio wireless, Aruba’s hands by Gaby,G&G Pizza, Totto Aruba, Moomba Beach Bar and Restaurant y Madame Jeanette Restaurant. Riba cada ruta tin un post di awa y na final nan tin Gatorade, apelsina y patia pa e participantenan. E prome 5 personanan cu yega na final di e caminata lo haya un sport massage completamente gratis. E meta di e caminata ta pa recauda fondo pa cumpra 3 airco nobo pa e scol, ya cu e airconan actual tin 16 aña y ta gasta hopi na mantencion y coriente. Trupial Kleuter school ta desea di tin un fondo disponibel prome cu nan laga nan muchanan den calor. Trupial Kleuter school ta gradici tur esnan cu ya a cumpra nan ticket pa participa y na esnan cu a cumpra ticket y lo no por atende e caminata, Trupial Kleuter school ta gradicido cu boso a aporta. Ticket ta obtenibel cerca tur mayor cu tin alumno na Trupial Kleuter school , na Cuts & Curves na Savaneta y na Trupial Kleuterschool mes. Tambe nan tin un servicio e aña aki. Si bo mester mas di 10 ticket yama scol na 5852250 entre 8:00am y 1:00pm y nan lo deliver nan pabo. Dia di caminata tambe nan lo tin ticket na benta. Por like and share nan FB page, Caminata Trupial Kleuterschool 2016 pa bo keda up to date cu tur informacion di nan caminata. Trupial Kleuter school ta warda boso bin cana hunto cu nan diasabra awor y apoya nan scol, Trupial Kleuterschool
